Компанияның
қысқаша
бейіні
«ҚазАгроҚаржы» акционерлік қоғамы – ауыл шаруашылығы тауарын өндірушілерге ауыл шаруашылығы техникасын сатып алу үшін лизингтік қызметтер көрсететін қаржы институты.
Компания еліміздің аграрлық секторындағы техникалық жарақтандыруды дамытуға ықпал ете отырып, өз қызметін 25 жылдан астам уақыт бойы ойдағыдай жүзеге асырып келеді.
Саладағы жоғары құзырет, нарықтағы көп жылдық жұмыс тәжірибесі, дамыған филиалдық желі, кәсіби кадрлық құрам, сенімді кредиттік рейтингтер және қаржы қаражатын тартуға қолжетімділік сияқты бәсекелік артықшылықтар лизинг нарығында көшбасшылық позицияны сақтауға және отандық фермерлер үшін сенімді әріптес болып қалуға мүмкіндік береді.
Негізгі
көрсеткіштердің
динамикасы
Қаржылық
көрсеткіштер
Активтер,
млрд теңге
Обязательства,
млрд теңге
Кірістілік
көрсеткіштері
Меншікті капитал,
млрд теңге
Несие портфелі,
млрд теңге
Дивидендтер,
млрд теңге
Операциялық
көрсеткіштер
Лизингке берілген
техниканың саны, бірл.
Техника мен жабдықтар
лизингінің көлемі, млрд теңге
Жасалған қаржыландыру
шарттарының саны, бірл.
Жыл соңындағы портфельдегі
клиенттер саны, бірл.
Қаржыландырылған
клиенттердің саны, бірл.
Қаржылық емес
көрсеткіштер
Fitch
Ratings
2024
жылғы негізгі
оқиғалар
ҚазАгроҚаржы 4 жыл айналыс мерзімімен 25 млрд теңгеге облигациялардың екі шығарылымын жүзеге асырды және жеке орналастыру арқылы толық көлемде орналастырды.
ҚазАгроҚаржы Amazon Web Services-тің ресми серіктесі болып саналатын QCloudy-мен бірлесе отырып, жасанды интеллект арқылы лизинг пен кепілдікті қамтамасыз ету нысаналарының онлайн-мониторингі жүйесін әзірледі.
ҚазАгроҚаржы 5 жыл айналыс мерзімімен 50 млрд теңгеге облигация шығаруды жүзеге асырды және жеке орналастыру арқылы толық көлемде орналастырды.
5% мөлшерлемемен, мерзімі 7 жылға дейін және алғашқы жарнасы 10%-дан кем емес, лизинг нысанасы берілгеннен кейін, 2024 жылдың 1 желтоқсанынан кешіктірмей төлеу мүмкіндігімен жеңілдікті лизинг бағдарламасы іске қосылды.
ҚазАгроҚаржы 7 жыл айналыс мерзімімен 100 млрд теңгеге облигация шығаруды жүзеге асырды және жеке орналастыру арқылы толық көлемде үлестірілді.
Директорлар
кеңесі төрағасының
үндеуі
Құрметті серіктестер мен әріптестер!
«ҚазАгроҚаржы» АҚ Директорлар кеңесі атынан сіздерге қошеметімді білдіруге қуаныштымын!
2024 жыл Қазақстанның бүкіл агроөнеркәсіптік саласы үшін маңызды кезең болды. Ақпан айында Қазақстан Республикасының Президенті Қасым-Жомарт Тоқаев азық-түлік қауіпсіздігі мен ауылдық аумақтардың тұрақты дамуының басымдығын атап өтіп, ауыл шаруашылығын қаржыландыру көлемін екі есе арттыруды тапсырды. Негізгі міндеттердің қатарында – жеңілдікті лизинг тетіктерін кеңейту және ауыл шаруашылығы техникасы паркін жыл сайын кемінде 10%-ға жаңарту.
«ҚазАгроҚаржы» мемлекеттің стратегиялық серіктесі және аграрлық сектордағы лизингтік қаржыландырудың жетекші операторы ретінде аграрийлерді қолдауға және саланы технологиялық жаңартуға бағытталған мемлекеттік басымдық берілген бастамаларды іске асыруға белсенді қатысуда. Маңызды қадамдардың бірі – Қазақстанда шығарылатын ауыл шаруашылығы техникасын сатып алу үшін жылдық 5% мөлшерлемемен «Жеңілдікті лизинг» бағдарламасын енгізу болды. Бұл қазақстандық аграрийлерге жаңа техникаға барынша тиімді шарттармен қол жеткізуге мүмкіндік беріп, сонымен бірге отандық ауыл шаруашылығы машина жасауын дамытуға ықпал етті.
Агросектордың тиімділігі мен тұрақтылығына қойылатын талаптар артып отырған жағдайда «ҚазАгроҚаржы» өзінің басты миссиясын орындауды, яғни ауыл шаруашылығы өндірушілерін өсу, жаңару және технологиялық даму үшін қажетті ресурстармен және шешімдермен қамтамасыз етуді жалғастыруда.
Мемлекеттік саясатты дәйекті түрде іске асыру және агроөнеркәсіптік кешеннің барлық қатысушыларының үйлесімді жұмысы отандық АӨК бәсекеге қабілеттілігін арттыруға және ауылдық өңірлердің өркендеуіне берік негіз болады деп сенемін.
Нұрболат Серғалиұлы
ҚазАгроҚаржы
Директорлар кеңесінің төрағасы
Басқарма
төрағасының
үндеуі
Құрметті серіктестер мен әріптестер!
«ҚазАгроҚаржы» – мемлекеттік аграрлық саясаттың негізгі институты және Қазақстандағы лизингтің жетекші операторларының бірі.
Компания 25 жыл бойы ауыл шаруашылығы секторының тұрақты дамуына, ауыл шаруашылығы өндірісінің технологиялық жаңартылуына ықпал етіп келеді.
2024 жыл біз үшін ерекше атаулы мәнге ие болды – бұл Компанияның 25 жылдығы. «ҚазАгроҚаржы» нарықтағы жаңа ойыншыдан бастап танымал көшбасшыға, мыңдаған қазақстандық ауыл шаруашылық тауарларын өндірушілердің сенімді серіктесіне дейін үлкен жолдан өтті. Біз елдің ауыл шаруашылығын дамытуға қосқан үлесімізді мақтан тұтамыз және клиенттерімізге, серіктестерімізге және командамызға сенімдері мен бірге өткерген жолымыз үшін алғыс білдіреміз.
Мерейтой атап өтілетін жылы Компания оң үрдісін көрсетіп, қызметтер көрсету желісін кеңейіп, жаңа цифрлық шешімдерді енгізіп, ауыл шаруашылығы өндірушілері үшін қаржыландырудың қолжетімділігін арттыру бойынша белсенді жұмысты жалғастырды. Жылдық 5%-бен «Жеңілдікті лизинг» бағдарламасын іске асыруға ерекше назар аударылып, оны іске асыруға 120 млрд теңге бөлінді.
Алдымызда жаңа міндеттер мен өршіл мақсаттар тұр. Команданың кәсібилігі, клиенттеріміздің сенімі мен мемлекет тарапынан көрсетілетін қолдаудың арқасында «ҚазАгроҚаржы» өз миссиясын тиімді орындап, аграрлық сектордың тұрақты дамуына үлес қосуды жалғастыратынына сенімдіміз.
Ынтымақтастық және ортақ іске үлес қосқаныңыз үшін алғыс білдіремін!
Айдар Гилимович
ҚазАгроҚаржы
басқармасының төрағасы